وپا ءِ بار تئی کُوپگاں نہ بیت تو برو

وپا ءِ بار تئی کُوپگاں نہ بیت تو برو

ترا ابید ھوں اے زندگی گوزیت تو برو

تھاری ءَ چہ گِلگ نیست من نزانتہ وتا

چراگ ءَ رُوک مکن شپ وتا کُشیت تو برو

منا زمین توار اِنت بَلے من واتر باں

تئی عشق ءَ مُرتگیں مردم کجا مِریت تو برو

منی گنوکیں تب ءِ ھاجت ءَ نزانئے تو

منا منی وڈیں نابود دوست بیت تو برو

تَرا چہ پَد تئی نیمون ءِ بار گران اِنت بَلے

اے دل وڈے نہ وڈے گوں منا ٹھیت تو برو