شِنگ کن:
پاکیں حاوند من ءَ
روچ ، ماہ ءُ شپاں سگگ ءِ
زور ءُ توان ءَبدئے
کہ منی بے تواری ءِ لیبوک پدا پُرشتگ اَنت
پد چہ یک مُدتے
گال ءُ گپتار زرد ءَچہ درکپتگ اَنت
وھد پیشی وڑ اِنت
نوں پدا یک برے گوں وت ءَ
نند ءُ نیادانی مجلس ٹہہ اَنت
گال ءُ گپتار بنت
آسمی ءُ گلابانی شررنگی ءَ
دوریں دوستانی یات ءُ زہیر ءُ گماں
شہرءِ شررنگ ءُ ماہیں کجاں
کاروبارِ جہاں
کام ءُ ناکامی ءِ
نوں پدا یک برے دل ماں تہنائی ءِ
شہرءَآباد بیت
شادہاں گرئیت ءُ غماں شاد بیت
دانکہ برباد بیت