بے وس ایں زندگی

زند بِلے بے وَس اِنت اینچو گِلگ داری نہ بیت

روچے وشی ہم ودی بنت دائما واری نہ بیت

دانکہ ما سر چست کُتگ مئے رستراں گون اِنت وتن

جنگ ءُ ہونانی تہا ساہ کّش ئے بے تواری نہ بیت

زندگی ٹپے حیال ءُ لیکہانی مئے گورا

مرگ درمانے ءُ زندءَ چہ کدی ساری نہ بیت

نشتگ ئے تو دائما گوں کُنٹگاں سودا کنئے

بے سریں سودا مکن پُلءِ ھریداری نہ بیت

تو کہ ھؔمزیل مارا یل دات ءُ دگہ دیمے شُت ئے

چو نہ اَنت رھبند مِہرءِ سنگتی یاری نہ بیت