شِنگ کن:
نہ بَلیت دِل ءَ چراگے ، نہ تھار ایں شَپ توأم اِنت
ھمے کِسہ اِنت مئے زند ءِ ، ھمے زندگی ءِ نام اِنت
ھمے ھون وار ایں شَھجُو ، همے تُنّیگ ایں سگاراں
من آں نشتگ ءُ ودار آں ، منی روچ کئیت کُجام اِنت
اِدا موسم ایں گَمانی ، ادا ساز جَنت ابیتکی
تئ کندگ ءِ توار ایں ، آ تئ دیار ءِ بام اِنت
منی واب ءُ آگھی ءَ من نہ گِند آں ھچ تپاوت
ھما بیت هچ نہ کنت ایں ،مئے دل ءَ ھما مُدام اِنت
اِدا دوست زند ءِ ارزش ، گوشے سرجم ءَ ھلاس اِنت
ادا مرگ نام کَش ایت ، گُشاں مانِش ءَ سلام اِنت