شِنگ کن:
دمے دمے بی ماھیکاں، دمے دمے تَھَار بی.
شفےء- ماہ درکفی، شفے شفے ءَ گار بی.
منی او شومیں کسمت ئے، ھمیرنگیں بَرّیں سیادی ئے
برے گُشئے کہ دژمنیں ، برے برے ءَ یار بی.
تئی راھ سرا مں رُستگْاں او سوزیں تاخ کَشتگْاں!
من آں ھمے ! اے کیس نَئیں! شہ سوزاں ھشکیں دار بی.
میار تئی عدالت ئے! مں زاناں باز جوانی ءَ !
ھماں کہ بے گناھ بی.. ھماں گناھ گار بی !
غریب ایک او یَکی ءَ ، تَئی گلوءَ کوشتی !
امیر ءَ گرانیں لشکر ءِ ، گواھی ءِ ، مَھار بی !
تئی کار نے ! کہ تئی دلءَ لِھاز او تُرس زیندغیں!
یہ سیاھ جَغَرّیں ھَمّل ءِ مئیں لشکر ءَ اوار بی!
سعید اَلّم ءَ رساں داں انکلابئے منزل ءَ..
دَفا ھمے تَوار بی او دیذغاں خمار بی !