سعید تبسم مزاری

سئید مزاری ءِ اَسل نام سید خان بیثگْ ءُ 16 اپریل 1978 ءَ زِلئه راجن پور ءِ یک شهرے روجان مزاری ءَ ودی بیثگْ استاد ءِ پث ءِ نام کمبیر خان اَث واژھ سئید ءَ را آئیں ءِ پِث ءَ سید خان ءِ نام داث ءَ بلے آئیں ءِ وانگ ءِ وخت ءَ آئیں ءِ استاداں آئیں ءَ را سئید اھمد گشتگ، یک ھمتریں نامئے کہ آئیں ءِ لوزانکی سفر ءِ تَھَا آئیں ءِ ھمراھ بیثہ ، استاد ءَ وثی بنداتی وانگْ ءُ زانگْ وثی ھَلک ءَ کثگْ ءُ 1993 ءَ شہ گورنمنٹ ھائی اسکول روجھان مزاری ءَ شہ استاد ءَ میٹرک پھیلَؤ کثہ پذا آئیں ءَ وثی انٹرمیڈیٹ ءِ وانگْ رھیم یار خان ءِ خواجه فرید کالج ءَ شہ کثہ سئید مزاری ءِ شاھری ءِ سفر باز کسانیں اُمر ءَ شہ بنگیج بیثگ ۔ واژھ سئید ءَ 1989 ءَ اردو زوان ءَ ماں شاھری بندات کثگْ اَث آں وخت ءَ واژھ بس یازدہ سال ایگْ اَث بلے استاد مزاری ءَ سال 2000 ءَ ماں بلوچی شاهری بندات کثہ کہ گڈسرا آئیں ءِ لوزانکی پجار ءِ مزنیں بھرے جوڑ بیثہ واژھ ءِ اولی شاھری ءِ دپتر "انڑزان چراگ ءِ بالثہ" اے کتاب ءِ تَھَا لچه ءُ گْزل دوئیں آوار ءُ پجی ءَ اَنت اے کتاب 2012 بلوچستان اکیڈمی کیچ ءَ شہ چاپ ءُ شنگ بیثہ واژھ ءِ دومی "بیا تئی دستان رژاں" سال 2019 ءَ بلوچی اکیڈمی شال( کوئٹہ ) ءَ شہ چاپ ءُ شنگ بیثہ آئیں ءِ سیمی کتاب "ھنگریں چم" اے وخت ءَ چاپ ءُ شنگ بیَگْ ءَ اِنت۔ بلوچی لوانک ءِ تَھَا سئید مزاری ءِ کرد ءَ شہ چاپ بیثگْیں ساچستاں شہ باز اَنت ءُ ھما بازیں شئیر سَوتانی رَنگ ءَ آرغ بیثگْ اَنت ھما شاھری یہ نوشت کثگْیں شنگ نہ بیثگْ اَنت بلے کوھ سلیمان ءُ ھاس بلوچستان ءِ کوھستانی اِلاکه ءَ ئِے گشندھاں گشتگْ اَنت گیشتریں گاناں نامداریں ازمکاراں ھچوش کہ سبز علی بگٹی ءُ بازیں دومی گشندھاں گُشتگْ اَنت واژھ سئید مزاری ءِ لوزانکی سوبمندی ءِ ستاھ ءَ آئیں ءَ را بازیں نامداریں داد (ایوارڈ) رسینتگْ اَنت کہ آھانی تَھَا مست توکلی آوارڈ ءُ علامہ اقبال لوزانکی آوارڈ ءُ الاکاھئ دومی بازیں کسانیں و مزنیں داد مِلثگ انت، سئید مزاری ءِ دمگی لوزانک ءِ تَھَا وثی زبردستیں استئداد ءُُ شرپ ءِ باوژود اَسُل بے مَٹ سادگْی ءِ زیند گوازینگ ءَ انت ءُ اَغ شما گِند اِث کہِ بلوچ ، بلوچی ءُ بلوچستان ءِ ایکرؽں مزنیں نام ءُ اے وڑیں اَسُل سادھ ایں زیند، یکین ءَ زان اِث مئیں کُنڈ ءَ شہ سذ سلام پرچے شُما را سما نیست کہِ زیند ءِ ڈُکھان ءَ وثی پرشکندغ ءَ گو وثی شئیرانی تَھَا اے وڑ برابر کنَگْ بے مَٹ ءُ کمال اَسُل کمال اِنت ، دھ کبوتر گروں چی ئے بُز میش بَنت ھَے ھَے دل ءَ چیرغ اَنت استاد ءِ اے لوز استاد ءِ زیند ءِ بارو ءَ ماں اے بازیں شئے من جِند ءَ شہ پَول کثگْ آں ، استاد ءَ شہ مں یک جُستے پَؤل کثگْاں کہِ استاد شُمے شاھری بازی ءَ کذاں موزوئه سرا اِنت استاد ءَ گُشت اَث کہِ "واژھ من تو گشت نخناں بلے مِھر، انکلاب ، زوان ءُ وتن دوستی گشت کنوں مڑدم ھمے چیزاں اَش کن انت، اش کن انت، متلب مچیانی اندر ءَ ھمے چیزانی فرمائش کن انت " نوشتکار: نورخان بلوچ