شِنگ کن:
چو نَہ اِنت کہ ایوک ءَ نام تئی
تئی نام ایک ءَ مبارک اِنت !
پَہ وتن ءِ شھراں او مَیثگْاں
پَہ وتن ءِ جِیذاں او جُوسراں
پَہ وتن ءِ پَٹٌی او کوھسراں
پَہ ڈغار ءِ درشکاں او موسماں
پَہ جہان ءِ مُرگًاں او مڑدماں
تَئی دست ءُ پاذ مبارک اَنت !
تَئی شَیئر ءُ واز مبارک اَنت !
تَئی لَوز باز مبارک اَنت !
تَئی راز ءُ ناز مبارک اَنت !
تَئی گَپ ءُ گال مبارک اَنت !
تَئی ھالوال مبارک اَنت !
داں کہ گلزمین ءَ تو بیثگْ ئے
ھماں ماھ ءُ سال مبارک اَنت !
تَئی جتائی پَمٌا کیامت اِنت
تو جتا مَہ بَئے ، تو جتا نَہ ئے !
ھماں روش نے ، ھماں بَزم نے
کہ تَئی نام بابا دَف ءَ مَہ ئَے !
چو نَہ اِنت کہ ایوک ءَ نام تَئی
تَئی نام ایک ءَ مبارک اِنت۔۔