یاد

تو نہ زانئے کہ یاد چے چی اَنت

یاد چمانی آلساں چِھک اَنت

یاد دِیذانی ٹیلگْاں بوژ اَنت

یاد واوانی گڑدناں گُڈؔ اَنت

یاد شونکانی گُٹگْاں سُمب اَنت !

تو نہ زانئے کہ یاد چے چی اَنت

ھَنگرانی سرا اے جُزین اَنت

عَقُل ءَ آدمی ءِ کِنزین انت

زیندگْینانی ساھ کش اَنت، اے

مُڑدگْانی دِِھ لاش ءَ لوڈین اَنت !

ھون شوشنت جَگْراں پگھاراں

زیندغی ءَ اے گور پیداراں

جان بُرَاَنت چو تیزیں کھاٹاراں

دِیر کَشّاں بر اَنت چہ بازاراں!

تو نہ زانئے کہ یاد چے چی اَنت