دین ءُ دنیا شُثہ ھوش ایماں شثہ

دین ءُ دنیا شُثہ ھوش ایماں شثہ

کل تئیں ذات نیام ءَ فنا بیثگْ اَنت

اوذا تھ کندث ؤ دیم سھرا کثہ

ایذا کُلانی سجدھ کذا بیثگْ اَنت

دھ کبوتر گِروں چی یے بُز میش باں

دل گُشگْ اِنت ھمیشانی چیٹ ءَ کنوں

مال ءُ مرگاں گو گنڈھوں دل ءَ سنگتاں

باکی مڑدم تَہ کُل بے وفا بیثگْ اَنت

اَؤل ءَ لئلانی مِھراں گو ما مست اَث اوں

لیئو ءُ لاڈانی موسم شثگْ اَنت گرئے

نیں ما بھنگ ءُ شراواں گو المست بوں

نیں ھمے مئے غمانی دوا بیثگْ اَنت

ما نیں زانت ءَ جدا بیئگْ ءَ شہ پذا

ما کہ رِند اوں تَہ مئے یار دھ رند اَث اَنت

مئے دھ انڑزے نہ کپتہ ھماں ساھت ءَ

آں دھ کندان ءَ اژما جدا بیثگْ اَنت

ما سئید اوں ما بس شاھر اوں سنگتاں

مئے یہ ایکیں جھان ئے جھان نیامگْ ءَ

نئے گناھئے کثئیں نئے ثوابئے کثؽں

مار دڑدانی کسو گرا بیثگْ اَنت