شِنگ کن:
گم تئی کوہیں دلءَ مار اِت نہ کت
حال من جندءِ وتی چار اِت نہ کت
بس ہمے تئی کار گوں من شَرّ نہ بوت
دل دوبر پر تو من نزّار اِت نہ کت
دوشی آ مہر ءُ وپاءِ سرگْوپءَ
واہگءِ بانور سینگار اِت نہ کت
سوچ چشیں دْرچکءَ، گْواتءَ، ساہگءَ
مُرگیءَ دمبرت، ساسار اِت نہ کت
تئی جتائی آسے روک اِنت سینگءَ
گم تئی چہ دیدگءَ گْوار اِت نہ کت
انچو وہدءَ جت درآمد کت بچار
ساہگءَ ہم مارا پجار اِت نہ کت
پہ ہمے نیمونءَ عادلؔ شیئر گشت
زندگیءَ نشت ءُ اُپّار اِت نہ کت