شِنگ کن:
جمبر شِنگیں ملگوراں
شہم گِروکیں بالادءَ
ہور سباہی سرکپتگ
میتگ میتگ پیچاننِت
گْوات تگرداں سچکانیں
مہر سماریت الوت کنت
آپ زمینءِ دلبندءَ
الّم راہے شوہازیت
من پہ ہمے اُمیتءَ دلءَ
توکل بَستءُ سرگپتاں
جیڑ اِت پُل اوں راہءَ بنت
رنگءُ وشبو تالان اَنت
وشبو انچیں ہمراہے
سرکپتگ نہ پشکپتگ
وہدے کوہءَ سر کپتاں
دُور چراگے لُڈّان اَت
لوٹ اِت رژنءَ دزبگراں
رژن کرار اَت ارواہءِ
بہت وپاءِ آدینک اَت
من ماں کورءِ اے دستءَ
تو ماں کورءِ آدستءَ
ہار نیْامءَ ملان اَت
اوست چراگے بڈّان اَت