شِنگ کن:
سؤت
لیلو لیل بہ چنڈینیت
دْرچکاں گْوات بہ نازینیت
ذرداں زہیر میاریناں
چمّاں ارس چکاریناں
کسے بئیت بہ سہڑینیت
ژند اَنت اوست کپوتانی
دُور اَنت دوست کپوتانی
شپ ارواہءَ نالینیت
زُلپاں کؤش بکنت مُلما
پُلاں نود بکنت سرجا
آسءَ آپ بہ واپینیت
کِشکاں مہلب درنزاں بیا
چو اِستونءَ شنزاں بیا
بیگاہ یاتاں پَرینیت
گیاباں تُنّءَ آپ بکنت
بالادءَ وشگْواپ بکنت
کوراں ہور بہ ٹوہینیت
ساہگ عادلؔ واب کپنت
روچءِ ذردیں تاک رِچنت
رولہ رنگاں ماں شانیت
دْرچکاں گْوات بہ نازینیت