شِنگ کن:
بیلوانی مزار جِی باث اَنت
آشِک ءُ سَرمچار جی باث اَنت
مست پَیدا نباں گو نرمی ءَ
مئے بلوچی میار جی باث اَنت
مئی براثانی ھیر با شالا
تَئی گُلیں دَزگُھار جِی باث اَنت
زِندگی ءِ اُمِیت زِندگ با
سنگتی ءِ خُمار جِی باث اَنت ۔
نیخیں دُعائے کثہ وَث ءَ را مَں
مَں مِراثاں ، مئی یار جِی باث اَنت ۔
جِیذ ءُ شھجو بلوچ ڈیھانی،
تھثَگ ءُ کوھسار جِی باث اَنت ۔
شَئیر سئِید ءِ مِراں، بَلے اِنّاں !
اِنکلاب ءِ تَوار جِی باث اَنت !!