سید زھور شاہ ھاشمی

سید ہاشمی 21 اپریل 1926ءَ گوادرءَ ودی بوتگ ۔ آئیءِ کماش بزاں پت ءِ نام محمد شاہ ہاشمی اِنت ۔ آئیءَ وتی بنداتی وانگ ءُ زانگ چہ گوادرءِ’’ سعیدیہ اسکول‘‘ دربرتگ ۔ آزمانگ ءَ گوادرءِ مشکت ءِ دست ءَ بوتگ ۔ سید ہاشمی ءَ چہ درکسانی ءَ شعر ءُ شاعری ءِ شوق بوتگ ۔ بندات ءَ آئیءَ اردو ءُ فارسی لچہ کاری کتگ ءُ آئیءَ عربی زبان ءِ تہا ہم مزنیں دزرسے بوتگ ۔ سید ہاشمی ءَ بلوچی لچہ کاری چہ 1950ءَ الکاپ ءَ بُنجگیج کُتگ ۔ بلوچی ءِ نیمگا دلگوش بوھگ ءَ پد آئیءَ اردو ءُ فارسی شعر نبشتہ کنگ یلہ داتگ ۔ سیدہاشمی ءَ ریڈیو پاکستان کراچی ءِ ہم بہرے بوتگ ۔ بلوچی زبان ءَ سید ہاشمی ءِ کار ءُ کرد بے حساب اَنت ۔ آئیءَ شاعری ءَ ابید ، پٹ ءُ پول ، زبانزانتی ، گدار نویسی ، آزمانکاری ءُ تاریخ نویسی ءِ میدان ءَ ہم مزنیں کردے ادا کتگ ۔ آئیءِ کتابانی تہا ’’ انگر ءُ ترونگل ‘‘ ،’’ برتکگیں بیر ‘‘ ،’’متراپکنیں ترمپ‘‘ ’’ سچکانیں سسا‘‘ ،’’ شکلیں شہجو‘‘ ،’’ سستگیں دستونک‘‘ ،’’بلوچی سیاہگ ‘‘ میرگند ‘‘ ، ’’ نازک ‘‘ ، بلوچی زبان و ادب کی تاریخ‘‘ ، ’’بلوچی زبان ءِ اولی ڈکشنری‘‘ ءُ دگہ بازیں ہوار اَنت ۔ سید ہاشمی 4مارچ 1978ءَ چہ اے دُنیا ءَ شُتگ ۔ شرف شاد